కాదంటారా...! విశ్వ..!

సమైఖ్యత అంటూ నినాదాలు చేస్తే.. సమైఖ్య వాదుల నాలిక కోస్తా...
మా తెలంగాణా రాష్ట్ర విభజనను అడ్డగిస్తే.. ఎవ్వరినైనా అడ్డంగా నరికేస్తా...

కలిసి ఉంటే కలదు సుఖం వంటి నీతులు వల్లిస్తే.. తల తీస్తా...
ప్రత్యెక తెలంగాణా ఉద్యమాలకు అడ్డునిలిస్తే.. ముఖ్యమంత్రినైనా బహిష్కరిస్తా...

ఇప్పటికైనా మా ప్రాంతానికి రాష్ట్ర హొదా కల్పించకుండా జాస్తి చేస్తే..
ఉద్యమాలను ఉదృతం చేసి రాష్ట్రమంత నిరసన జ్వాలలతో అల్లకల్లోలం సృష్టిస్తా...

ఈ మాటలన్నీ ప్రాస కోసం కవి ఊహాగానాలు కావు...
కల్పితాలు కానే కావు... తెలంగాణా రాష్ట్ర సాధన కోసం ఉద్యమించే నేతల మాటలు...

ఇదేనా నాయకులు మాట్లాడే తిరు..? ఇదేనా ప్రజాస్వామ్యానికి ఉన్న విలువ..?
ఈ మాటలలో ఆవేశం తప్ప ఆలోచన కనిపిస్తుందా..? హింసాతత్వం తప్ప ఉద్యమతత్వం మచ్చుకైనా ఉందా..?

ఆలోచించండి మహా జనులారా..! ఇది సరైన మార్గామేనా, కాదు...
నాయకులారా..! ఆవేశం ఆవేదనకు పరిష్కారం కాదు, అనర్ధాలకు మూలకా(రణం)...

అహింసా మార్గమే అందరికీ శ్రేయస్కరం...
నోరుజారి ప్రసంగించుట సమాజానికి హానికరం.. కాదంటారా...! విశ్వ..!